"MERDEKA"
Dirgahayu Republik Indonesia
Dirgahayu Republik Indonesia
17 Agustus 1945 - 17 Agustus 2013
Pantun Minang Edisi “Daun Kacang”
- Daun kacang dibuek cincau | dimakan dek urang talang | baa hati ndak ka galau | hari rayo ndak bisa pulang – @itsMeReynold
- Anak ruso di tangah rimbo | bagaluik galuik di daun kacang | co iko bana raso puaso | urek paruik kandua urek mato tagang – @ian_thile
- angek2 si kayu bakar | kito lampih jo daun kacang | tarimo kasih hai @infoSumbar | hati sanang dek #PantunMinang – @costan_rider
- Kok babuko jo aia daun kacang | jan lupo pakai galeh | kok paruik alah kanyang | siap-siap pai taraweh – @tegar_tionanda
- Babuko pakai aia daun kacang | awuih lapeh paneh dalam hilang | kok taragak rayo di kampuang | rajin-rajinlah dari kini manabuang – @healtriaSF
- Daun kacang warnanyo hijau | banyak manfaat untuak kesehatan | kok dunia mambuek dunsanak galau | co cubo baco ayat suci alquran – @Beebybeh
- Daun kacang diateh kuali | dimakan dek buruang barabah | Kalau ka manjadi calon pak wali | jan sampai tungkek mambawo rabah – @aid_destination
- daun kacang ubek batuak | tumbuah di laman rumah siti | baa badan ndak ka gapuak I dek ado adiak panyanang hati – @iRay_Vando
- Lapa paruik nasi basanduak | tangan dilap jo daun kacang | bia lah batahan raso kantuak | supayo bisa ikuik ba #PantunMinang – @papiiwan
- Daun Kacang di dalam Boto | Di Raciak jo Aia Limau | Bulan Baiak Alahnyo Tibo | Mari Kito Ramikan Surau – @yunanda86
- hari rabu urang puaso | rami urang mancari daun kacang | kok lah tadanga sirine tando babuko | nasi lansuang habih sagantang – @papiiwan
- aia aka pakai daun kacang | tambah jo asam santiang rasonyo | kalau sanak tnggakan sumbayang | narako juo tantanganyo – @rafihamd
- Daun kacang sgaleh gadang | bae babuko auih ilang | manitiak aia mato d rantau urang | sahur babuko ndak dapek pulang – @danyandhika12
- Jan risau kok sadang luko | buliah diubek jo daun kacang | Tabulalak mato katiko ka babuko | caliak lauak dlarian kuciang – @ie_moet91
- daun kacang lamak di santuang | kok lado rasonyo padeh | puaso kini acok tamanuang | dek rindu jo kampuang indak lapeh – @BimaNugraha23
- daun kacang banyak di ladang | dibawok ama samo sepeda | hatiko makonyo sanang | maliek uda ala wisuda – @fitriaarifha
- daun kacang daun pucuak ubi | dimakan kambiang balang kaki | hati sanang dek dapek piti | paliang santiang dibalian kopi – @baduatay
- Daun kacang pambungkuih lamang | Lamang dibaka jo kayu lapuak | Lai puaso tapi ndak sumbahyang | Ibaraik manimbo jo embe tabuak – @astrocio
- Kaparak maambiak daun kacang | painyo sambia bajalan | jan babuko se yang kancang | tarawiah jan ditinggaan – @AjiPutraR
- Babuko jo mantimun | Tambah jo uwok daun kacang | Daripado awak malamun | Rancak pai sumbayang – @arifdotkom
- Daun kacang daun semangi | Dibaok dek urang solok | Alah sumbayang alah mangaji | Kini marilah kito lalok – @BramNasrul
- Daun kacang di padang laweh | dimakan luwak di tapi kali | baa dak sanang pai taraweh | pulang-pulang wak sobok pujaan hati – @hamdanyzainul
- Daun kacang tumbuah di ladang | diambiak urang muaro peti | mancaliak urang ba #pantunminang | hilang luko di dalam hati – @HaibaraDia
- Ka rimbo mancari daun kacang | tibo di rimbo dipantak kapasan | nasib yo lah malang, awak ka sahur urang lah adzan – @NickoGumbz
- Daun kacang pucuak parancih | samo diambiak untuak di gulai | bara kasanang hati nak gadih | calon imamnyo rajin mangaji – @c_chiwid
- Baiak ditanam Si Bungo Rayo | Sabarih Tumbuah jo Daun Kacang| Niaik Sabulan Bapuaso | Abak jo Amak Ampunkan Bujang – @yunanda86
- Daun kacang daun sikaladi | babeda-beda kagunoannyo | kalau dunsanak rajin mangaji | insya Allah banyak pahalo – @jeffryszn
- dari kota handak ka dusun | kamalah karuang ka dikirim | disiko kito duduak bapantun | untuak mampaarek silaturrahim – @faidilMTempur
- Tek tina mambali daun kacang | dimasak samo samba lado | apo gunonyo mambaok motor kancang-kancang | kalau jok balakang kakosong juo – @LinggaArza
- susahnyo babadan kuruih | hampiang sarupo jo daun kacang | sangajo bajalan cok patuih | supayo jan maloroh si kain saruang – @papiiwan
- Daun kacang palarai peneh | paubek paneh tuo jo mudo | kok berang hati jan paneh | karano kito samo bapuaso – @luckezarmen
- Kama ka dicari daun kacang | di Kairo indak basobok | koq babuko jan sampai kanyang | Tarawiah beko dibaok lalok – @Twitsiassa
- daun kacang di parak pario| pario diabuih paik rasonyo | co iko bna rso jatuah cinto | aia putiah raso karambia mudo – @ridhoank19
- di halaman ado daun kacang | ka di uok untuak makan nasi | ndak takana ado #PantunMinang | dek sibuk jo skripsi – @ariesta_ferline
- Jambu paraweh dalam kulah | ka dimakan di hari jumat | taragak taraweh maso sakolah | basasak mancatat jo mintak tando tangan ustad – @FaRaziYandri
- daun kacang dipaganyo | diambiak jikok paralu se | sabanalah kawan namonyo | awak dijadian tukang ojek se – @ffidzz
- Daun kacang dibuek aia slengkong | lamak diminum dtangah hari | marilah kito bagotong royong | mambangun kampuang jo nagari – @jeffryszn
- Daun kacang dalam boto | Santan putiah disampiangnyo | Usah bangga dek manih rono | Ndak tarawiah a gunonyo – @ShaqJuventini
- pasan samba pkai daun kacang | makan nasi sapiriang baduo | jatuah badan tatilungkuik tatilantang | petak ikua disipak dek kudo – @papiiwan
- Jelo Manjelo si daun Kacang | tumbuah Rimbun di ateh atok | Nan Mudo-mudo Usah Batanggang | Isuak Sahur Namuah Takalok – @yunanda86
- Daun kacang daun rumbio | Diambiak dihari sanjo | Badabuak hati di dado | Manunggu tunjangan hari rayo – @ifzan_qwerty
- Daun kacang di masak dalam kuali | dimakan d waktu sahur | yo sabana bakurang jua bali | yang penting tetap bersyukur – @Aerio83
- Pucuak ubi jo daun kacang | dibali di pasa usang | pitih abih galeh tauncang |tanangkan hati jo #pantunminang – @yudikitiank
- Daun kacang dibuek sayua | Ubi kayu manjadi sanjai | siang hari badan ko layua | siap babuko mato takulai – @13yeffi
- Daun kacang dibuek atok| atok lah bolong dek pancilok | #PantunMinang yo sabana lawak | Mato takantuak jadi tabalalak – @Riskiandrariniii
- Daun kacang baserak-serak | dibaok tabang jo daun pisang | yo ndak jadi lalok krno galak | asik mambaco #PantunMinang – @Riskiandrariniii
Pantun Minang Edisi “Kaliang”
- Marantau ka mandailiang | pai nyo jo oto sinamar | kok kulik buliah kaliang | asa hati lai bersinar – @at_agung
- Urang kaliang manggaleh lado | manggaleh lado di pasa baso | ka mamaliang uda malam ko | hati adiak jadi targetnyo – @ShaqJuventini
- Pai malala naik boyan kaliang | baok si upiak duduak baduo | galakk gadang caliak sisumbaiang | kue basamuik dimakan juo – @Biee_putra
- odrek dmakan katiko paniang | ubek pananang sakik kapalo | walaupun muko saketek kaliang | tapi mato mirip rang cino – @rafihamd
- Amak amak manjua galang | galang di bali urang e ilang | Bia badan dikecekan kaliang | asa pitih padek muko balakang – @FerisyaIR
- jikok tarang tu siang | Kalam tu yo malam | bia kulik ambo kaliang | anak gadih banyak nan kirim salam – @KibalMhd
- naiak buaian kaliang | jan lupo pakai kaco mato | Bialah uda kaliang | nan penting adiak cinto – @Raviesme
- Si ucok naiak ka loteng | maambiak Baliang baliang bambu | cari cowok ndak paralu yang ganteng | bialah kaliang asa lai elok laku – @dwithandriani
- Uok taruang jo uok labu siam | di masak di panci nan kaliang | pulang masajik tapaso bakaki ayam | dek tarompa kanai maliang – @PanglimaKelam1
- Baliang Baliang Di Ateh Bukik | Baputanyo Madok Ka Tabiang | Kaliang Kaliang Gadang Caringik | Ma Otanyo Sabana Satiang – @yunanda86
- Ka payokumbuah mambali karak kaliang | di sabalah urang manjua gulo | Bialah jo baliang-baliang | asa lai dingin juo – @diLimahpuluhkota
- Si kaliang pai ka bukik | Tibo di bukik manangkok karo | Dek a lah kini badan acok sakik | Hati taibo karano jomblo – @BramNasrul
- Pai ka pasa urang Kaliang | Bali bumbu pamasak samba | Bulan puaso jan makan dagiang | Karano hargonyo sedang maha – @wendysukmajaya
- Babuko jo karupuak jariang | dicampua jo daun sago | Bialah awak kaliang | tapi calon panghuni sarugo – @OtaG3AD
- karupuak banamo karak kaliang | dimakan samo jo kue donat | tarumuak raso uda bapaliang | ulah dek kawan nan bakhianat – @rizkaprima
- tatontong kalamai jaguang | tagunda gunda kacambuang basi | malang bana nasib rang kaliang | sampai kini alun babini – @EndaScounDrel
- Gulai jariang masak hari kamis | sakilo latak di lapau | Lai mah kaliang tapi eksotis | daripado putiah banyak panau – @FerdiAntAciak
- Karak kaliang urang bukitinggi | badaruak badarai pulo | kok dak dapek kandak nan dihati | usah dirusak nan lah ado – @chaililul
- siapa bilang balimbiang tak masam | alah masam baulek pulo | siapa bilang mimin ndak Kaliang | alah Kaliang bakilek pulo – @dhegorro
- kapasabawah bali balimbiang | singgah sabanta di pasa banto | biapun abang hitam kaliang | adiak tarimo ajo apo adonyo – @Silussy
- Jariang bukan smbarang jariang | jariang dibali dari moskow | kaliang bukan sumbarang kaliang | bia kaliang tapi banyak nan follow – @Chrismondarl
- Kampuang Kaliang di Piaman | Urang India Sinan Tanamo | Modeko Parasaian Badan | Lah di Tangan Lapeh pulo – @yunanda86
- Karupuak jangek sapiriang | Koq ka dimakan ari alun sanjo | Bialah kulik ambo ko kaliang | Asa bisuak ko lai disayang jo mintuo – @PanglimaKelam1
- Makan miso jo karak kaliang | Indak joleh baa rasonyo | Bulan puaso usah bagunjiang | Kok nak takuik masuak narako – @wendysukmajaya
- tasasek di dalam rimbo | @infoSumbar tampek batanyo | si kaliang dek a mangango | Manunggu si Hari Rayo – @_sryd
- Si gaga kuliknyo kaliang | bapaneh-paneh badan tabedo | baa ndak ka paniang | babuko tibo samba tiado – @arif_fahtuhr
- main bola di ladang jariang | dari payakumbuah mambali batiah | banyak na urang mangecekan ambo kaliang | bali bayclean bia putiah – @cool_rif
- Raun-raun ka pasaman | Singgah dulu di kinali | Jadi kaliang yo menyenangkan | Tapi susah dijalani – @ShaqJuventini
- hari minggu pai ka padang | pas dijalan nampak siamang | bia kaliang tapi rajin sumbayang | pahalo dapek ati pun sanang – @arifdotkom
- Ramadhan bulan berkah | Mari pabanyak pahalo | Kulik kaliang kini ndak masalah | Sajak photoshop jadi solusinyo – @Bukan_Ariell
- sakaliang-kaliangnyo siamang | tp inyo rajin sumbayang | dari dakek uda bantuak umang-umang | tapi aslinyo mirip coky sitohang – @YIP__
- Baa ka indak kulik nyo kaliang | tiok ari bapaneh manggaleh sapu lidi |baa ka indak paniang | mancaliak skripsi ndak jadi-jadi – @ajinajib
- Si kaliang yo babahayo | Bajalan hilia ka mudiak | Kama painyo bulan malam ko | Kironyo pindah ka mato adiak – @ShaqJuventini
- jalan-jalan ka kampuang kaliang | di tangah jalan nampak urang berang-berang | biapun utak kurang santiang | yang penting usaho sorang – @dhilaFika
- mba ikan gulai paku | Kaliang makan sampai bapaluah | Bimbiang tangan ka panghulu | Tando cinto uda lah panuah – @ShaqJuventini
Pantun Minang Edisi “Karambia”
- Iko namonyo karambia mudo | yo lamak diminum wakatu babuko | jikok dunsanak indak puaso | tangguang lah nantik di dalam narako – @jeffryszn
- karambia mudo makan jo pisang | amakan basamo tetangga subalah | sabalun kito mulai #PantunMinang | elok kito baco bismillah – @ie_moet91
- Karambiah dimakan jo katan itam | dimakannyo di hari pagi | ko dapek suami jan lah nan itam | insyaallah yang cocok di hati – @iswesialthof
- Jalan – jalan ka pariaman | banyak karambia nan dicaliak | uda batato bukannyo pareman | koh dek bagaya se mah diak – @dedipeem
- makan katan pakai karambia | sagu dimakan dek kudo | basobok mantan kaki manggigia | ragu dek inyo baok escudo – @varfando
- Latiah puaso dihari hangek | yo lamak babuko jo karambia mudo | yo malang bakulik kalek | nampaknyo pas galak sajo – @NickGhawa
- Karambia mudo jo daun pandan | sabana indah jadi pabukoan | alah tibo di tangah ramadhan | amal ibadah mari ditingkek an – @vinotm
- Nembak buruang di ateh tang karambia | jatuah ka tanah dimakan buayo | nampak buyuang manuang di tapi aia | takana badan sadang manjomblo – @Biee_putra
- babuko jo karambia siso | dimakan sambia jongkok | percuma se uda puaso | kalau uda tetap marokok – @tifaniirdi
- Apo guno karambia | karambia tuk di ambiak santan nyo | apolah guno janji hanyo di bibia | kok ndak adoh nampak bukti nyo – @setriosa
- babuko minum aia karambia mudo | supayo manih batambah jo gulo | hai kawan generasi mudo | marilah kito tadarus ka musajik basamo – @thaatan
- Karambia bagulo lawang | lasuahnyo waktu babuko | walau di rantau marando tagang | hari rayo pulang juo – @damnoise
- Babuko pakai aia karambia | dipasan agak saoto | Itu sia nak gadih nan bacilalek diateh bibia | manih roman nyo manaduahan mato – @PanglimaKelam1
- Ado baruak mancari karambia | Nyo pai ka tangah hutan | Kok bapantun indak mambayia | Tapi selalu jadi rebutan – @BredRandy
- Rancak hijaunyo karambia mudo| Tambuahnyo Rimbun Satandan Labek | Rancak Bulanko Mancari Pahalo | Nilainyo Lipek Balipek – @yunanda86
- karambia mudo dibalah duo | dicigok isinyo sabana taba | iko inyo anak rang mudo | nan iduik nyo inggok co laba laba – @Dede_IRawan07
- Karambia satandan labek | baminyak tangah kuali | Disangko lai ka mandapek | kironyo manggigik jari – @febi_amertha
- Bubua otak-otak kuah tangguli, karambia mudo pakai gulo,galak gadang uda tangah hari, eh disalo gigi nyo ado lado – @Yelly7393
- baruak piaman maambiak karambia | karambia dimasak jadi palai | sholat wajib jan hanyo di bibia | karajoan tapek waktu bia dak lalai – @dhoaidil
- karambia mudo tumbuah di tangah lauik | anak abak maambuih tungau | kok dompet bialah kempuik | tapi hati ndak buliah galau – @FerisyaIR
- Lamang tapai jo karambia mudo | Makan basamo di buko puaso | Indak Paralu uda kayo | asal kan lai Rajin bausaho – @reyaalvionitha
- karambia jatuah di alang-alang | diambiak urang Muaro Peti | Lah malam adiak alun pulang | Rusuah hati uda mananti – @akbarcipto
- Karambia di cari ka pariaman | dapeknyo limo duo ditinggakan | lah uda nanti sapanjang jaman | kironyo undangan nan adiak titipkan – @tyok20
- Batang karambia condong ka lauik | dipaga jo paga basi | muko sadiah kaniang bakaruik | dek ulah saku indak barisi – @yudikitiank
- Karambia tumbuah di muaro | Dibaok ka padang lua | Kalau ingin pabukoan nan sero | Cubolah sarikayo talua – @zelvi_s
- Karambia mudo ditambah gulo | auih hilang salero lapeh | Babini duo jan dicubo | Awak tauncang pitih tandeh – @AbahJempol
- Karambia dari nagari subarang | Dibali urang dari padang lua | Walau iduik nan sagalo kurang | Jan sampai budi nan tajua – @__Fikri
- Pohon karambia pohon ketumbar | kaduonyo samo samo rindang | anak rantau pulang ka sumbar | cuma untuak mangicok dendeng jo randang – @PU_sako
- Aia karambia jo bakwan | menu babuko di rumah kawan | Bialah diak status kito sebatas bakawan | asa tiok sahur ambo dijagoan – @PanglimaKelam1
- waktu babuko lamaknyo minum aia karambia mudo | minumnyo smo pcar tercinta | jan disio-sio an maso mudo | demi meraih cita cita – @EndaScounDrel
- pai bali karambia ka pariaman | ndak lupo singgah di kadai sari | Bia bntuak awak pareman | tapi hati lunak co mayangsari – @yodi_warizka
- Jalan-jalan ka koto tuo | pai mambali karambia mudo | Bialah abih pitih dek buko basamo | asa lai sobok jo kawan lamo – @afifahdwiputrii
- Buko puaso jo karambia mudo | Indak salamak aia gulo | Kecek urang tuo-tuo | Ndak usah bamain cinto – @azmizuhairi
- karambia mudo diminum ajo | ndak cukuik buliah batmbuah | gadih minang harus rajin karajo | bia ndak dikecek an rancak di labuah – @ie_moet91
- Karambia dibalah duo | dicukia jadi santan | iko sipek urang mudo-mudo | urang tarawiah nyo duduak di jembatan – @agungprtmaaa
- karambia mudo dipanjek baruak | pahilang hauih jo lapa | tamanuang uda di suduik | mancaliak rumah adiak ado marawa – @oksaperdana
- karambia mudo dicampua fanta | tambah lamak kalo pakai susu | namonyo puaso manahan lapa | jan dituruik an hawa nafsu – @nandagusra
- Karambia mudo babuko puaso | Sero bana palapeh dahago | Dunia ko hanyo samantaro | Amal Soleh juo nan maantaan ka sarugo – @JustUdaDian
- makan karambia siap taraweh | taraweh banyak urang tuo tuo | klo jd bini jan pamaleh | bia capek disayang mintuo – @Indyuztan
Pantun Minang Edisi “Parasaian Iduik”
- bakirim surek ka kantua pos | surek di kirim ka jambi | ikolah parasaian anak kost | akhir bulan santuang indomi – @infoSumbar
- Lauak bada lauak pantau | kaduo lauak masuak ka lukah | Lah lamo pai marantau | nan iduik ndak juo baubah ubah – @OwEn_ae
- bantai kambiang untuak aqiqah | tangah hari makan cimangko | kawan samo gadang lah abih manikah | nan awak masih jomblo juo – @infoSumbar
- Babini tigo alun lah cukuik, Kandaknyo Pizza Hut koq indq sate | Ba iko bana lah hiduik. Di PHP taruih see – @McFRansz
- ka bukiktggi nnton pacu kudo | ka pasa ateh bali pergede | lah ringkih badan ko manahan sasak di dado | dek jauh jo mande – @Raviesme
- hari sabtu mamanciang baluik | di jua kapasa naiak oto | taraso bana parasaian iduik | apo lai ditambah parasaian cinto – @kidridho
- ramo2 tabang masiang-masiang | kanai kaja dek kalilawa | alah lamo karajo diperusahan asiang | sampai kini indak tabali sarawa – @nandagusra
- hari sabtu sakik pariuk | bali ubek sampai berang | co iko bana parasaian iduik | padusi dikaja lapeh ka tangan urang – @NandaRadePutra
- Makan sate di simpang gaduik | Bali godok-godok di lapau Burhan | iko lah yg namonyo parasaian iduik | ma ongok2 caliak urang pacaran – @arya_nando
- Kreh batang sikayu manih | Katonggak pondok rumbio | Bareh jo samba yo alah abih | tapi nan kiriman kampuang alun tibo juo – @rhichiever
- Bdabua ombak pantai Puruih | Abunyo sampai ka ulak karang | Dimalah badan indak ka kuruih | Bdan dirantau taragak pulang – @agungbetafel
- kapasa mancari kalikih | pulangnyo naiak bemo | lah cando iko mancari pitih | ujuang bulan ba utang juo – @NickGhawa
- Pai ka sawah mancari pensi | Pensi dicari kironyo lah mati | Dari pagi iko baru mangicok nasi | Yo mode ko bn paya mancari piti – @ulfahhernanda
- Mati dbungkui kapan | lalok dbungkui saruang | Kok untuang jauah dari badan | dimano duduak disinan bamanuang – @Perry_Dhyellap
- Anak daro sadang di arak Saminggu | lamonyo dipingik | Co iko bana nasib urang rancak | Dima tagak banyak nan bingik – @rhyrin_vLoppy
- Ado pagar tabuek dari baja | Baja nyo di campua jo basi | Alah acok bana denai baraja | ulangan tetap jo remedi – @reyhanrerey
- Yo lah karam | Pantun urang yo sabana rancak | Baiko bana mancari Sakam | bakureh tiok malam mancari Cacak – @McFRansz
- Mamapeh baluik disawah kamang | ndak taraso hari lah sanjo |antah bilo hiduik kasanang |badan diseso sansaro juo – @anggi_pratama
- Pai k’pasa mmbali peti | peti untuak malatak’an ampalam | dek sbuk amak wak mancari pitih | sampai lupo kini ko hari alah mlam – @yunaYD_
- joko pai kapasa | tibo dipasa mambali sarawa | mode ko bana nasib mahasiswa | dek taragak ka capek wisuda – @loetiquejelex
- Ka dokter pai barubek | Dokternyo tingga di tanah sirah | Alah panek-panek tugas ko dibuek | Kironyo salah lo jo yang disuruah – @reyhanrerey
- Nan hitam warnanyo arang | Nan putiah warnanyo tarang | Coiko iduik dirantau urang | Pulang patang pitih bautang – @irfanhardiMD
- hari sanjo bali paregede | paregede dibali ka padang panjang | tamanuang jomblo mamacik hp | mancaliak TL mararau surang – @damnoise
- Manangkok ikan paki tubo, utk makan urang baralek… Baa hati ndk ka taibo, angko anam manjadi ampek – @hendrisajaa
- ilalang di tangah koto | kudo gadang talantak oto | malang nasib di bulan tuo | marlboro sabatang isok balimo – @panca88_sj
- pai ka pasa bali ikek pinggang | lai katuju ruponyo maha bana | si dosen ndk ad yg manenggang | magiah tugas sambuah bana – @mikechimishi
- Ka pariaman mancaliak tabuik | pas ka pai pitih kurang | co iko bana parasaian iduik | urang yang awak sayang di ambiak urang – @heru_KA
- Kapasa mambali baluik | urang manjua di paliang suduik | kok bacarito parasaian iduik | antahlah nan ka di sabuik – @dewi_suryanti
- Cat rumah pakai kuas | Atoknyo pakai rumbio | Yo payah manjadi koas | Kurang lalok dihariak pulo – @irfanhardiMD
- Urg biaro pai k baso | Tibo dibaso main kalereng | Iko lo gayanyo kalau tanggal tuo | Bongka2 lamari cari pitih dareng – @Dathomz
- pag-pagi pai manciang ka bunguih | sabalun pai mari kito mambaco doa | badan lah kuruih saku lah anguih | mode ko bna prasaian mambuek TA – @AjayKivattE
- Nan balang inyiak harimau | Nan bagak namonyo singo | iyo malang badan di rantau | kok sakik indak ado nan batanyo – @AgeAnanda
- Kasawah magumbalo kabau | kabau e gambuang makan e banyak | Co iko paik marantau | rokok tapuntuang kopi tadadak – @OlidPanuli
- awak auih minum sup buah, buah dikarek sabana lamak | iyo sansai jd anak buah, gaji ketek karajo banyak – @abk_87
- lambek baransua jalan ka rumah | sayua sakabek dipapah juo | dek maansua cicilan rumah | talua bulek dibalah duo – @ariefreeze
- tiok ka kampus naik oplet | rami2 jo urang sunter | urg kini lah pakai tablet | nan awak masih juo nokia senter – @WIEDAIRFAN
- Duduak bamanuang tangah malam | tadanga kicau si buruang murai | lah jatuah aia mato kadalam | sadang basayang badan bacarai – @Rfn07
- baliang-baliang di ateh bukik | baputa-puta mode roda oto | hati ko lah sabana sakik | dek karajo alun datang juo – @roni_baronn
- Tagak bendera jo marawa | lah gadang aie di banda | Co iko bana nasib mahasiswa | tiok malam batanggang demi wisuda – @hero_poseidon
- anak ketek bali permen | permen di bali nan gadang-gadang | co iko nasib tukang orgen | siang lalok malam batanggang – @infoSumbar
